Saturday, January 19, 2008

ارجعيله

كل شيء ضاع من ايديكي
و الدموع اللي ف عينيكي
اعتراف انك خسرت
ارجعيله لو قدرت
متلوميش قلبه اللي خدعك
لومي ضعفك لومي طمعك
اشتري عينيه اللي باعوا
صدقي كدبه و خداعه
عيشي للآخر حكايته
كملي الوهم لنهايته
انت بالنسبة له لعبة
و اشتياقه ليكي كدبة
انتصار يرضي غروره
و ببراعة أدىّ دوره
و اما قلبك دق بابه
ابتدت رحلة عذابه
و اما حس ان انت ملكه
ساب عينيكي ف ليلة يبكوا
باع هواكي و راح لغيره
قلب تاني يكون مصيره
زي مليون قلب قابله
انجرح من يوم ما قابله
هيّ دي هوايته الوحيدة
كل يوم قصة جديدة
و انت ليه بس اتوهمت
بعد ايه فقت و فهمت
ان قلبي كان شاريكي
و ان قلبه اتسلى بيكي
للأسف فات الأوان
و الأسف ملهوش مكان
قبل ما تكوني ضحية
يوم جنى قلبك عليّ
بعت ليه يوم و بارادتك
جنتك حبك سعادتك
القرار دا كان قرارك
و الفراق كان باختيارك
و انت عارفة مستحيل
أرضى يوم دور البديل
مستحيل ادخل حياتك
تاني و ابقى طوق نجاتك
يعني مهما حتقوليلي
و بدموعك تندهيلي
قلبي مش ممكن يسامح
رافض انك ترجعيلي
***

ما عيناك ؟

ما عيناك
هل آياتي
تاجي مدني
حلم حياتي
مرسى سفني
طوق نجاتي
أمسي يومي
زمني الآتي
شمس تأتي
بالبسمات
قمر يسطع
في ليلاتي
شوق يسكن
في أبياتي
نور أقوى
من ظلماتي
صوت أعذب
من نغماتي
صمت أبلغ
من كلماتي
نجم يهدي
في رحلاتي
نبع يجري
في فلواتي
و أساطيري
و بطولاتي
كل حروفي
و عباراتي
لا تكفيني
يا مولاتي
*****
ما عيناك
هل عنواني
آخر سطر
في أحزاني
أول فرح
في أزماني
أجمل زهر
في بستاني
أروع لحن
في ألحاني
صبح يولد
في أحضاني
حلم ينمو
في وجداني
شوق يسري
في شرياني
موج يهدأ
في شطآني
ثمر أينع
في أغصاني
يا ملهمتي
يا نيساني
يا مملكتي
يا سلطاني
يا أسفاري
يا أوطاني
وصفك يعجز
عنه بياني
ليس بشيء
في امكاني
******

دمعة واحدة من عينيكي

دمعة واحدة من عينيكي
أغلى م الدنيا بحالها
يعني لو شمعة ف ايديكي
انطفت قيدي بدالها
ألف شمعة متنطفيش
بسمة حلوة متختفيش
دمعتك غالية مفيش
أي حاجة تستاهلها
*****
في ابتسامتك هل فجري
و ف هواكي الدنيا ملكي
يبقى لما الدمع يجري
فوق خدودك يوم و تبكي
لازم اسأل ده لأني
حاسس انك حتة مني
ليه تداري الحزن عني
و اسألك مش راضية تحكي
*****
ليه تمللي ف وقت حزني
بتلاقنيني جريت عليكي
ارمي أحزانك في حضني
قلبي حاسس نبضه بيكي
لو يقولو انسي كلامهم
خدنا ايه الا ملامهم
ليه بقى نعمل حسابهم
طول مانا ايديّ ف ايديكي
*****

Friday, January 18, 2008

وليكن

و ليكن
ما الذي نفعل في الحب
اذا كان انتحارا
للأماني
في بحور العشق غرقا
و احتضارا
للأغاني
في دروب الصمت يأسا
و انهيارا
لدموع العين حين تفيض بحرا
و انكسارا
لجموح القلب حين يذوب شوقا
و ليكن نورا و نارا
و سواء كان هذا الحب ليلا
أو نهارا
أو شروقا أو غروبا
أو صلاة أو ذنوبا
و سواء كان روضا
أو قفارا
أو غناءا أو بكاءا
أو قنوطا أو رجاءا
و سواء كان شهدا
أو مرارا
و سواء كان شكا أو يقينا
أو ظنونا
أو لقاءا أو فراقا
و انتظارا
و سواء كان احساسا رقيقا
أو حريقا
أو سكونا أو رياحا
و انفجارا
و سواء كان بردا زمهريرا
أو هجيرا
أو ربيعا أو ذبولا
و اصفرارا
و سواء كان حلما مستحيلا
أو رحيلا
أو جنونا و اندفاعا
أو فرارا
و سواء لو حلفنا
كي نفارقه يمينا
أو أخذنا يا فؤادي
كي نقاومه قرارا
سوف يبقى سره المجهول لغزا
انه قدر ولسنا
فيه نمتلك اختيارا

خلي جرحك يبقى ذكرى

خلي جرحك يبقى ذكرى
جسر تمشي عليه لبكرة
فرحتك تخلقها مهما
كانت الأحلام بعيدة
طول ما قلبك لسه نابض
يبقى لازم تبقى رافض
أي لحظة يأس مهما
كانت الأيام عنيدة
***
لو ف يوم فارق حبيب
اوعى نور شمسك يغيب
اوعى من يأسك تسيب
حزن يوم يسكن ملامحك
لو ف يوم تخلص حكاية
اوعى دي تبقى النهاية
كل يوم يصبح حكاية
لو مسلمتش لجرحك
***
لو ف يوم حلمك مصيره
كان يضيع احلم بغيره
ليه تعيش عمرك أسيره
دمعتك مش راح تفيدك
لو زمن عاندك تعانده
لو في سور حاوطك تهده
صعب قابلك انت قده
مش حتنجح غير بايدك
***

و مش بايدينا نتلاقى

و مش بايدينا نتلاقى
في حدوتة مكملتش
و لسه عينينا مشتاقة
و لسة قلوبنا منستش
دموع تسكن غناوينا
و شوك يجرح خطاوينا
و مين يقدر يداوينا
و فينا جراح مدبلتش
***
و مش بايدينا نتباعد
و نتغرب أنا و انت
صحيح كنا بنتواعد
زمان لكن احنا دلوقت
لقينا الجنة صبحت نار
مكملناش سوا المشوار
و طال الليل و ليه يا نهار
بنستناك ولا جتش
***
و مش بايدينا نتفارق
رفضنا وافقنا هياها
خلاص يعني مفيش فارق
لابد انا و انت ننساها
لامتى نفتكر فيها
نزود جرحنا بيها
خلاص راحت لياليها
كانت شمس و مطلعتش
***
و مش بايدينا أحلامنا
و بينا و بينها كام خطوة
تضيع و ف لحظة قدامنا
كفايه يا زمن قسوة
و ليه تهنا في غربتنا
و ليه تتهد جنتنا
و ليه تخدعنا دنيتنا
سألناها مجاوبتش
***

Thursday, January 3, 2008

قال كفاية

قال كفاية ؟ كفاية ايه؟
هوه رأيك حد كان سألك عليه
مش كفاية اننا مستحملينك
تنكر النعمة اللي فيها معيشينك
بوس ايديك واسكت و الا
وانت عارف الا ايه
****
خلي بالك من عيالك
وامشي جنب الحيط في حالك
سيب لسانك جوة بقك
حق ايه؟ جاك كسر حقك
ننهبوها نخربوها
نقسموها حتى بينا
وانت مالك ؟
****
يظهر ان احنا غلطنا
لما رخينا اللجام
واما قلنا نسيبه حبة
يفك نفسه بالكلام
انما اللعبة اذا قلبت بجد
يبقى مش ممكن حنرحم أي حد
يبقى أحسن حاجة تعقل
يعني تتعطى و تنام
****
اوعى لو لحظة تفكر
انها هاصت خلاص
ولا ممكن ييجي يوم
فيه حنقعد راس براس
لو نسيت نفسك نحب نفكرك
للطوارئ في قانون مستنظرك
غير كدة تقدر نفصل
أي قوانين بالمقاس
****