خلي جرحك يبقى ذكرى
جسر تمشي عليه لبكرة
فرحتك تخلقها مهما
كانت الأحلام بعيدة
طول ما قلبك لسه نابض
يبقى لازم تبقى رافض
أي لحظة يأس مهما
كانت الأيام عنيدة
***
لو ف يوم فارق حبيب
اوعى نور شمسك يغيب
اوعى من يأسك تسيب
حزن يوم يسكن ملامحك
لو ف يوم تخلص حكاية
اوعى دي تبقى النهاية
كل يوم يصبح حكاية
لو مسلمتش لجرحك
***
لو ف يوم حلمك مصيره
كان يضيع احلم بغيره
ليه تعيش عمرك أسيره
دمعتك مش راح تفيدك
لو زمن عاندك تعانده
لو في سور حاوطك تهده
صعب قابلك انت قده
مش حتنجح غير بايدك
***
No comments:
Post a Comment